“أهلي وأحبائي في ضيعتي العزيزة ميفوق القطارة
بوجّهلكن كلمتي اليوم من القلب، وبكل صدق وشفافية.
بشكركن على محبتكن الصادقة، وعلى ثقتكن الغالية، وعلى كل كلمة حلوة انقالت عني، وكل حديث دار باسمي بمحبة ونية صافية.
محبتكن تاج عا راسي، ووسام بعلّقو عا صدري، بيغنيني وبيعطيني قوة، إيمان ومسؤولية أكبر.
اليوم، وبعد غياب شهيدنا الغالي باسكال، الوجع بعده ساكن روحي، والمسؤولية تجاه ولادي صارت أعمق وأكبر؛
هنّي الأمان والأولوية، هني البداية والنهاية.
بعرف تمامًا شو يعني العمل البلدي، وبفهم تمامًا قديش ضيعتنا عطشانة لشغل جدّي، فعّال، ومسؤول. وما بقدر، ولا بقبل كون بأي موقع إذا ما كنت قادرة أعطيه كل طاقتي ووقتي. ولهالسبب، وبكل صدق، ما رح كون مرشّحة لهالمعركة . مش لأنو ما بحب ضيعتي، بل لأنو بحب خوضها وأنا بكامل جهوزيتي متل ما بتستاهل وبتستحق.
غيابي عن الترشيح ما بيعني إنو غايبة عن الساحة أبداً
للحصول على اخر اخبار لبنان والعالم عبر موقع Jbail al akwa news تواصلوا معنا على الرابط التالي:
jbailalakwanews 