Բագրատունի Ընդունեց Ֆրանսացի Ծերակուտական Սթեֆան Ռավիէն
Հայկական երեսփոխանական պլոքի ներկայացուցիչ Յակոբ Բագրատունի «Շաղզոյեան» կեդրոնի իր գրասենեակին մէջ ընդունեց Ֆրանսայի Ծերակոյտի անդամ, Պուշ Տիւ Ռոնի ներկայացուցիչ Սթեֆան Ռավիէն, որ Լիբանանի քրիստոնեաներու իրավիճակին ծանօթանալու յատուկ առաքելութեամբ կը գտնուի Լիբանան:
Քննարկումի նիւթ դարձան երկրի ընդհանուր կացութիւնը, եւ այս իմաստով քրիստոնեաներու մտահոգութիւնները: Յատուկ ուշադրութեան առարկայ եղաւ հայ համայնքի պարագան` իր կառոյցներով եւ դժուարութիւններով:
Ծերակուտական Ռավիէ մօտէն ծանօթ է Ֆրանսայի հայութեան եւ սերտ կապեր ունի Մարսէյի հայ գաղութին հետ: Ան այցելած է նաեւ Գորիս ազրպէյճանական յարձակումի օրերուն:
Իբրեւ ՀՅԴ Բիւրոյի անդամ եւ Միջին Արեւելքի պատասխանատու, Բագրատունի ֆրանսացի ծերակուտականին հետ արծարծեց շրջանային կացութիւնը եւ այդ գծով Ֆրանսայի դիրքորոշումները: Յատուկ ուշադրութեան առարկայ դարձաւ թրքական եւ իսրայէլեան դերակատարութիւնը:
Անդրադարձ կատարուեցաւ նաեւ Պաքուի մէջ ապրօրինի կերպով պատանդ բռնուած արգելափակեալներու եւ Արցախի ժողովուրդին իր բնօրրանը վերադառնալու խնդիրներուն:
للحصول على اخر اخبار لبنان والعالم عبر موقع Jbail al akwa news تواصلوا معنا على الرابط التالي:
jbailalakwanews 